ការប្រើប្រាស់វិគីសៀវភៅ/About The Book
នរណាសរសេរសៀវភៅនេះ?
កែប្រែដូចជាសៀវភៅផ្សេងទៀត សៀវភៅនេះត្រូវបានសរសេរដោយអ្នកប្រើប្រាស់ទូទៅដូចជាអ្នក។ នរណាដែលប្រើប្រាស់វិបសាយ Wikibooks នេះ អាចកែប្រែទំព័រណា នៅពេលណាក៏បាន។ អ្នកអានខ្លះជាអ្នកប្រើប្រាស់ប្រចាំ។ អ្នកខ្លះទៀតគ្រាន់តែចំនាយពេលបន្តិចបន្តួចសំរាប់កែតំរូវវេយ្យាករណ៍ និង ពាក្យពេចន៍តិចតួចនៅពេលដែលគេអានប្រទះ។ អ្នកអាចជួយសរសេរសៀវភៅនេះបាន ដោយអ្នកអាចជ្រើសរើសទំហំការងារ និងតាមវិធីរបស់អ្នក។ អ្នកអាចកែកំហុសដែលអ្នកបានជួប ឬបន្ថែមខ្លឹមសារតាមបទពិសោធន៍របស់អ្នកក្នុងការប្រើប្រាស់ Wikibooks ឬ អ្នកអាចចាប់ផ្ដើមនិងសរសេរសៀវភៅពេញទាំងមូលរបស់អ្នកតែម្ដងក៏បាន។ បើអ្នកមានសំនួរអំពីការប្រើប្រាស់ Wikibooks អ្នកអាចសួរបាន។ នៅពេលអ្នកមានចំលើយ អ្នកអាចសរសេរចូលក្នុងសៀវភៅនេះបន្ថែមសំរាប់អ្នកប្រើប្រាស់ អ្នកអានផ្សេងទៀត។
Feedback
កែប្រែឧបករណ៍ល្អបំផុតក្នុងពេលសរសេរនៅក្នុង Wikibooks គឺយោបល់ពីអ្នកអាន។ បើអ្នកជាអ្នកប្រើប្រាស់ថ្មី និង បានសិក្សាចំនេះដឹងថ្មីពីសៀវភៅនេះ យើងរីករាយស្ដាប់យោបល់របស់អ្នក។ ដូចគ្នាដែរ បើអ្នកបានជួបផ្នែកណាមួយដែលស្មុគស្មាញ ឬដឹងថាផ្នែកណាមួយខ្វះខាត យើងក៏ចង់បានយោបល់របស់អ្នកដែរ។
One of the best places to provide feedback about this book is at the assistance reading room. When leaving a question or comment, include a link to the book page in question, and discuss what you liked, what you didn't like, and what you think can be improved.
សៀវភៅនេះរៀបចំយ៉ាងដូចម្ដេច?
កែប្រែសៀវភៅនេះត្រូវបានរៀបចំជាផ្នែក។ អ្នកប្រើប្រាស់សន្មតថាមាននាទីផ្សេងនៅពេលគេចូលប្រើ Wikibooks។ អ្នកប្រើប្រាស់ភាគច្រើនជាអ្នកអាន ដែលចង់រៀនដោយមិនគិតថ្លៃ។ អ្នកប្រើប្រាស់ខ្លះជួយកែបញ្ហា ដូចជាពាក្យពេចន៍ និង វេយ្យករណ៍ ឬ ការរៀបចំអត្ថបទ។ អ្នកប្រើប្រាស់ក្រុមទីពីរនេះជា Editors។ អ្នកប្រើប្រាស់ផ្សេងទៀត ចាប់ផ្ដើមសរសេរសៀវភៅថ្មី ឬ បន្ថែមខ្លឹមសារ។ ក្រុមនេះ ជាស្មេរ ឬ អ្នកនិពន្ធ។ អ្នកប្រើប្រាស់ផ្សេងទៀតជាអ្នកថែទាំ website រៀបចំសំអាត ឬ គ្រប់គ្រងការងារ និង ទទួលខុសត្រូវការងារដែលមិនមានអ្នកទទួល។ ក្រុមចុងក្រោយនេះត្រូវបានសំគាល់ថាជា Administrators។
អ្នកដែលមកដល់ Wikibooks មិនសូវមាននៅក្នុងក្រុមតែមួយច្បាស់លាស់ទេ តែអាចមាននាទីច្រើនរវាងក្រុមខាងលើនេះ។ អ្នកខ្លះបំពេញភារកិច្ចដែលខុសពីការងារដែលបានរៀបរាប់ខាងលើ។ ដោយសារការងារភាគច្រើនអាចប្រហែលគ្នាទៅនឹងក្រុមទាំងបួននេះ ខ្លឹមសារសៀវភៅនេះនឹងត្រូវបែងចែកទៅតាមនាទីមូលដ្ឋានទាំងបួន ដើម្បីងាយស្រួល។ អ្នកអាចបំពេញការងារណាមួយក៏បាននៅក្នុង Wikibooks នេះ។
ផ្នែកទីមួយនឹងរៀបរាបពីទិដ្ឋភាពទូទៅរបស់គំរោង និង ដំនើរការ។ ផ្នែកទីពីរ សំរាប់អ្នកអានទូទៅចាប់ផ្ដើមប្រើបានឆាប់រហ័ស។ សំរាប់អ្នកប្រើប្រាស់ប្រចាំឬរយៈពេលយូរ អ្នកនឹងអាចដឹងថាមានការងារជាច្រើនដែលមិនទាន់បានបំពេញហើយអ្នកក៏អាចចូលរួមវិភាគទានក្នុងការងារទាំងនេះបានតាមត្រូវការ។
អំពីការរៀបចំទំរង់សៀវភៅ
កែប្រែសៀវភៅនេះត្រូវបានរៀបចំឱយមានទំរង់ងាយស្រួលសំរាប់ឱយសៀវភៅផ្សេងចំលងបាន។ ប៉ុន្តែ ការសំរេចចិត្តបង្កើតសៀវភៅនេះឡើងមិនមែនជាជំរើសតែមួយ ឬ ជាជំរើសដែលល្អបំផុតនោះទេ។ អ្នកអាចសរសេរសៀវភៅផ្សេងដែលដើរស្របតាមទំរង់នេះ ឬ តាមទំរង់ណាមួយដែលអ្នកចូលចិត្ត ដោយមិនចាំបាច់គោរពតាមវិធីតែមួយដាច់ខាតនោះទេ ហើយសៀវភៅនីមួួយៗនឹងត្រូវប្រើសំរាប់បំពេញតំរូវការផ្សេងៗគ្នា។
ការរៀបរៀងសៀវភៅនេះព្យាយាមផ្ដល់ខ្លឹមសារដែលអាចបោះពុម្ពសំរាប់អានបាន។ នេះគ្រាន់តែជាបទដ្ឋានមួយពិសេស ដែលសៀវភៅផ្សេងទៀតនៅក្នុង Wikibooks មិនចាំបាច់គោរពតាមក៏បាន ព្រោះ Internet អាចរួមផ្ដុំដោយឯកសារសោតទស្សន៍ច្រើនប្រភេទ ដែលអាចពិបាកក្នុងការបំលែងទៅជាសៀវភៅសំរាប់បោះពុម្ព។ សៀវភៅផ្សេងៗនៅទីនេះមានសេរីភាពគ្រប់គ្រាន់ក្នុងការបញ្ចូលបច្ចេកវិទ្យាច្រើនប្រភេទដើម្បីបង្កើតគុណភាពសំរាប់ការសិក្សា។
សៀវភៅនេះមិនត្រឹមតែព្យាយាមរៀបចំទំរង់ឱយក្លាយជាឧទាហរណ៍ល្អ យើងសង្ឃឹមថាខ្លឹមសារទាំងនេះនឹងផ្ដល់ចំនេះដឹងល្អៗចំពោះអ្នកអានដែលទើបមកដល់ Wikibooks ឬ គ្រាន់តែចង់ដឹងពីមជ្ឈដ្ឋាននេះ។ ប្រសិនបើអ្នកមានយោបល់ ឬ ចង់កែសំរួល ចំពោះសៀវភៅនេះ វិបសាយនេះដំនើរការដោយប្រព័ន្ធ Wiki ដែលអនុញ្ញាតឱយអ្នកអានកែបានគ្រប់ពេល។ គំនិតនេះប្រហែលជាពិបាកទុកចិត្តបន្តិច តែជំពូកបន្តបន្តាប់នេះនឹងណែនាំអ្នកឱយយល់ពីដំនាក់កាលនៃការកែសំរួល និង សំរេចខ្លឹមសារដោយពឹងលើការចូលរួមពីអ្នកអានគ្រប់គ្នា។